Bagayaan : Taksi Kota Misterius


INGAT
W A S P A D A LAH...!!!

Ada "Taksi Kota Misterius" Terminal Pal 6 Bjm. jangan sampai menimpa kita atau sanak keluarga kita mengalami "TRAGEDI" kaya malam jum'at tadi.

Di muka terminal kira-kira jam 23.00 "Gadis" (ngaran samaran) naik Taksi Kota yg mana di dalam taksi ada jua 2 ikung penumpang kai & nini. Karna keuyuhan & mengantuk umbah begawi menjaga toko lalu Gadis teguring.

Kada lawas si Gadis tebangun, inya mrasa taksi bejalan pina lambat banar, lalu dilihatnya Kai & Nini tadi sudah kadada. Pas melirik keampah muka, tekajut banar si Gadis padahal Taksinya bejalan tapi kadada supirnya.

Merasa ada yg kdada wajar imbah Gadis sadar bahwa dlm situasi itu tetinggal sorangan aja.
Sudah bulu kuduk cagat merinding, awak seolah-olah jadi kaku kada kawa begarak.

Lalu dicobanya besuara sekalinya kawa, langsung saitu saini si Gadis bekuriak minta tolong senyaringnya & sekuatnya.

Habis 3x bekuriak Gadis merasa sia². Kadada tanda2 ada pertolongan, karna melihat di sekeliling lokasi se'olah² berada di daerah yg sunyi & angker, apalagi itu pas tengah malam jum'at.

Gadis pasrah sambil bebacaan apa yg diingat dan bisa dibacanya.
Tahu² bakajutan timbul kepala yang menyeramkan di jendela taksi parak di higa Gadis duduk.

Lalu kepala tadi beucap, "Jangan kuciak² tolong² aja, disini sunyi kadada urangnya cu'ae".

 "Jaka turun satumat dangani menunjul, taksinya mogok tahulah.!?"

Gadis nang telanjur kehantuan tadi balum sampat mndangar apa² langsung siup karna tekajut melihat penampakan seram dihadapannya.

Hahahahaa......


.. sakalinya itu kepala si Nini penumpang tadi, sidin umpat mendangani si supir menunjul taksi sampai tahambur takusasai rambut sidin yg memutih karna sudah banyak hubannya.

Sambil gagarunum sidin beucap, 
"Beehhh,,, dasar jua.!!! maka pura² kisah teguring pulang kakanak nginih..!!!!??"

Postingan terkait:

1 Tanggapan untuk "Bagayaan : Taksi Kota Misterius"